Алматы облысының таулы өзендерінде су тасуы ықтимал - Алматы ТЖД

АЛМАТЫ. ҚазАқпарат- Нөсер жауындар болады деген болжамға байланысты, 2016 жылдың 23 маусымында Алматы облысының таулы өзендерінде су деңгейі көтеріліп, су тасқыны болуы мүмкін. Бұл туралы бүгін Алматы қалалық ТЖД баспасөз қызметі хабарлады.

«Алматы қалалық Төтенше жағдайлар жөніндегі Департаменті «Қазгидромет» РМК 2016 жылғы 22 маусымдағы №59-ші «Апатты гидрометеорологиялық құбылыс» ескертпесі негізінде тұрғындарға ескерту жасайды.

2016 жылдың 23 маусымында нөсер жауындар болады деген болжамға байланысты, Алматы облысының жекелеген таулы өзендерде су деңгейі көтеріліп, су тасқыны болуы мүмкін», - делінген хабарламада.