Алматы-Отар аумағында тұрып қалған жолаушылар пойызының саны артуда

АСТАНА. ҚазАқпарат - 12 жүк вагонының рельстен шығып кетуіне байланысты, көптеген жолаушылар пойызы жолда тұрып қалды, деп хабарлайды ҚазАқпарат тілшісі.

«Жолаушылар тасымалы» АҚ-ның баспасөз қызметінің хабарлауынша, Алматы жол бөлігі, Алматы-Отар аумағы Саз стансасында болған апаттан 9 пойыз жолда тұр, тағы 3 пойыз келе жатыр.

Кешіккен пойыздар:

№2 Астана-Алматы-2 - 3 сағат 34 минутқа;

№4 Астана-Алматы-2 - 5 сағатқа;

№12 Шымкент-Алматы-2 - 4 сағатқа;

№44 Қостанай-Алматы-1 - 3 сағатқа;

№24 Ақтөбе-Алматы-1 - 1,5 сағатқа;

№702 Петропавл-Алматы-2 - 2 сағатқа;

№42 Атырау-Алматы-1 - 1,5 сағатқа;

№378 Маңғышлақ-Алматы-2 - 3 сағат 20 минутқа;

№7 Алматы-2-Мәскеу - 1,5 сағатқа.

«№34 Ақтөбе-Алматы-1, №45 Алматы-1-Павлодар және №21 Семей-Қызылорда апат аумағына әлі жеткен жоқ, енді келе жатыр», - деп толықтырды баспасөз қызметі.
Еске сала кетсек, бүгін таңғы 5 сағат 18 минутта Алматы жол бөлімшесінің Алматы-Отар желісіндегі Саз стансасында екінші жолдан №2851 жүк пойызының 12 вагоны шығып кеткен болатын.