Алматы тұрғыны көшеде әйелді пышақтап, ара түскен тұрғынды да соққыға жықты
18 шілде күні сағат түнгі 23.50 кезінде Ұлттық ұланның 5571 әскери бөлімінің әскери қызметшісі Жарқынбек Айдарханбеков отбасымен үйінде отырғанда сырттан айғайлаған дауысты естиді.
Жүгіріп шыққанда Қалқаман-2 ықшам ауданындағы Лапин көшесі, 21 үй алдына белгісіз ер адамның әйелге шабуыл жасап жатқанын көреді.
Сол уақытта әйелге көмекке келген тұрғын да зардап шекті.
Аға сержант Айдарханбеков көмек көрсету үшін дереу оқиға орнына қарай жүгіріп барады.
Қылмыскер сарбазды көріп, сол маңдағы зиратқа қарай қашады.
Ұландық жауынгер оның соңынан қуып, жол-жөнекей жедел жәрдем мен полиция қызметіне хабар береді.
Жарқынбек сытырлаған дыбыс пен ентіккен даусынан қылмыскерді танып, отырған жерінен ұстап алады.
Жедел медициналық көмек пен полиция қызметкерлері келгенше, тұтқынды ұстап тұрады.
– Ойланып тұратын уақыт болған жоқ. Бар байқағаным, қыз бала жерде әлсіреп жатты. Не болса да оны қолға түсіруді көздедім. Мұндай жауыздық жазасыз қалмауы керек, – дейді сарбаз.
Аға сержант Айдарханбеков ұсталған қылмыскерді оқиға орнына келген полиция қызметкерлеріне тапсырған.
Зардап шеккен әйелдерге алғашқы медициналық көмек көрсетіліп, ауруханаға жеткізілді.
Алматы қаласы ПД хабарлауынша, аталған факті ҚР ҚК 106-бабы 2-бөлігі бойынша тіркелген.
– Күдікті 31 жастағы ер адам ұсталып, уақытша ұстау изоляторына қамалды. Қазіргі уақытта Наурызбай аудандық полиция басқармасы істің мән-жайын анықтау үшін жан-жақты толық тергеуге бағытталған іс-шараларды жүргізіп жатыр, – деді полиция.
Фото: polisia.kz