Алматыда Лейла Османның «Өмір үзіктері» деп аталатын жеке көрмесі ашылды

АЛМАТЫ. Мамырдың 7-сі. ҚазАқпарат /Таңжарық Ілиясұлы / - Бүгін Алматыда Ә.Қастеев атындағы Мемлекеттік өнер мұражайында АҚШ-тың Сиетли қаласында тұратын қандасымыз Лейла Османның «Өмір үзіктері» атты жеке көрмесі ашылды,

деп хабарлайды ҚазАқпарат .Лейла Османның АҚШ-қа кетер алдында Алматыда «Сәлем, кездескенше» атты тұңғыш көрмесі өткен болатын. Ал осыдан төрт жыл бұрын өткен 2-ші «Өмір өрнектері» көрмесінде алматылықтарға өзінің гобелендері мен графикалық жұмыстарын көрсеткен еді. Бүгін ашылған 3-ші көрмесінде «Сиқырлы орман», «Жыл құстарының келуі», «Теңіз бетінде», «Нұр жауады», «Терезе», «Таң нұры», «Зебралар», «Экспрессия», «Лабиринт», «Шығармашылық», «Түнгі гүлдер», «Ғарыш көлемі» сияқты жалпы саны 30-дан аса туындысы қойылған. Көрме Алматымен қатар Амстердам мен Сиетлида да бір мезгілде өтіп жатыр. Ондағы көрмелерге келушілер қондырғыдағы тоқыма пейзаждары мен абстрактылы композицияларын тамашалай алады. Олардың арасында «Жол» атты белгілі тоқыма туындысы бар.