Алматыда Мәскеу күндері өтеді

АЛМАТЫ. ҚазАқпарат- Бақытжан Сағынтаев Ресейдің Бас консулы Евегений Бобровпен кездесті. Кездесу барысында өңіраралық ынтымақтастық перспективалары талқыланды. Бұл туралы Алматы әкімі өзінің facebook-тегі парақшасында жазды.

«Алматыдағы Ресейдің Бас консулы Евгений Бобровпен өңіраралық ынтымақтастық перспективаларын талқыладық. Мәдени-гуманитарлық, экономикалық байланысты нығайтамыз. Қараша айында Алматыда Мәскеу күндері мен Санкт-Петербургтің гуманитарлық-іскерлік миссиясы өтетін болады. Жан-жақты қолдау көрсетеміз»,-деп жазды Бақытжан Сағынтаев facebook-тегі парақшасында.