Алматыда мотоцикл өртенді

АЛМАТЫ. ҚазАқпарат - Алматыда Жетісу ауданында «Құлагер» базары маңайында мотоцикл өртенді. Бұл туралы ҚазАқпарат тілшісіне қалалық ТЖД бспасөз хатшысы Сандуғаш Баймұхамедова хабарлады.

Оның айтуынша, жеңіл көлік жол апаты салдарынан өртенген. Өрт ауданы 0,9 шаршы метрді құрады. Қалалық ІІД баспасөз қызметі хабарлағандай, жол оқиғасы таңертеңгі 07:11-де болған. Солтүстік айналма жолмен бағытталған мотоцикл жеңіл көлікпен соқтығысқан. Соғылған сәтте мотоцикл өртене бастаған. Апат салдарынан мотоцикл жүргізушісі жеңіл жарақат алды. Жол-көлік оқиғасының себептері анықталуда. Өрт сөндірушілер тілсіз жауды 07:36-да ауыздықтады. Басқа жапа шеккендер туралы ақпарат жоқ.