Алматыда мотожарыстан Әлем Кубогы өтеді
Бұл туралы бүгін ҚазАқпарат тілшісіне Қазақстанның АвтоМотоспорт федерациясының баспасөз қызметіннен хабарлады.
Аталмыш Әлем Кубогы қысқы спидвей бойынша осымен 50-ші рет өткізілетін Әлем чемпионатының бес кезеңінің бірі екен. Оған Еуропаның сегіз мемлекетінен атақты мотошабандоздар келеді деп күтілуде. Бірінші күні, яғни 14 ақпанда жарыс кешкі уақытта прожекторлардың жарығымен өтсе, ертеңіне финалдық жарыстар күндізгі уақытта өтеді.
«Әлем Кубогына Қазақстаннан әзірге бір мотошабандоздың қатысатындығы белгілі болып отыр. Жалпы қатысушылардың саны әлі нақтылану үстінде. Жарыс күні жақындағанда олардың аты-жөндері жария етіледі», - деп хабарлайды федерацияның баспасөз қызметінен.
Айта кетелік, аталмыш мотожарыс Алматыда соңғы рет сонау 1992 жылы өткізілген екен.