Алматыда таэквон-до ITF бойынша Қазақстанның Ашық біріншілігі өтеді

АЛМАТЫ. ҚазАқпарат - Алматыда 2015 жылдың 7-8 қаңтары аралығында таэквон-до ITF бойынша Қазақстанның ашық біріншілігі өтеді.

«Таэквон-до ITF бойынша 10 жастан 13 жасқа дейінгі жасөспірімдер арасында өтетін бұл Ашық біріншілік аясында ҚР таэквон-до ITF федерациясының құрметті президенті Юлий Намның Кубогы бойынша Халықаралық турнир өткізіледі. Яғни, таэквондошылар екі турнирге де қатар қатыса алады. Жарысқа барлығы 180 астам спортшы келеді. Сонымен қатар, Қырғызстан мен Ресейден де таэквондошылар келеді», - деді таэквон-до ITF бойынша Қазақстан ұлттық құрамасының бас жаттықтырушысы Валерий Когай.

Біріншілік 7 қаңтар күні таңғы сағат 09:00-да «Достық» спорт кешенінде басталады.