Алматыда «Тұрғынүйқұрылыс жинақ банкі» төрағасының бұрынғы орынбасары сотта жеңіліс тапты

АЛМАТЫ. ҚазАқпарат - Алматыда Бостандық аудандық сотында «Тұрғынүйқұрылысжинақ банкі» төрағасының орынбасары Маулен Өтеғұловтың «Әйгерім» тұрғын үй кешеніне қатысты ісі қаралған болатын.

Бұл туралы қалалық соттың баспасөз хатшысы Қуандық Ешімет хабарлады.

«12 наурыз күні прокурор аталған іс бойынша сотқа шағым түсірген болатын. Бостандық аудандық сотының судьясы Гүлмира Талапова прокурордың шағымын толығымен қанағаттандырды. Сот шешімі әлі заңды күшке ие болған жоқ. Қарама-қарсы жақ апелляциялық шағым түсіруі мүмкін», - деді қалалық соттың баспасөз хатшысы Қ.Ешімет.