Алматыда университеттердің академиялық еркіндігін іске асыру жағдайындағы білім беру сапасы талқыланады
АЛМАТЫ. 15 қаңтар. ҚазАқпарат - Алматыда Т. Рысқұлов атындағы Қазақ экономикалық университетінде (ҚазЭУ) ағымдағы жылғы 22-23 қаңтарда «Үздіксіз экономикалық білім беру: оқытуды және әдістемелік қамтамасыз етуді жаңарту» атты IX республикалық оқу-әдістемелік конференция өтеді. Негізгі тақырыбы - «Университеттердің академиялық еркіндігін іске асыру жағдайындағы білім беру сапасы», деп хабарлады ҚазЭУ баспасөз қызметі.
Конференцияға ҚР БҒМ, жоғары оқу орындары, елдің ғылыми қоғамдастықтары мен бизнес-қауымдастықтары өкілдері, бизнес-білім беру, қайта даярлау және біліктілікті арттыру бағдарламаларының ұйымдастырушылары қатысады.
Бағдарламада - секциялық отырыстар, «дөңгелек үстелдер», семинарлар, мемлекеттік тілдегі оқулықтар мен оқу құралдарының тұсаукесері, 2013 жылғы «Т. Рысқұлов атындағы ҚазЭУ-дің үздік оқытушысы», «Оқырманы көп факультет» және «Ең сұранысқа ие оқулық» конкурстарының қорытындыларын шығару.
Негізгі іс-шаралардың бірі - Т. Рысқұлов атындағы ҚазЭУ жанындағы ҚР БҒМ Жоғары және жоғары оқу орнынан кейінгі білім берудің республикалық оқу-әдістемелік кеңесінің «Әлеуметтік ғылым, экономика және бизнес» мамандықтар тобы жөніндегі оқу-әдістемелік кеңесінің отырысы, онда «РФ экономикалық мамандықтардың ОӘК рөлі мен заманауи функциялары», «Академиялық еркіндіктер - оларды іске асыру проблемалары мен перспективалары», «Академиялық ұтқырлықты оқу-әдістемелік сүйемелдеу» мәселелері талқыланады. Конференция жұмысының қорытындысымен ұсынымдар қабылданады.
