Алматыда XIII Seimar Open гольфтан Қазақстан чемпионаты өтіп жатыр
деп хабарлайды ҚазАқпарат.
Сайысқа Қазақстан, Ресей, Қырғызстан, Корея, Жапония, АҚШ және Еуроодақ елдерінен әртүрлі жас мөлшерінде 100-ге жуық адам қатысуда. Ұйымдастырушылардың айтуынша, осы жолы өздерін мықты ойыншы ретінде байқатқан Корея өкілдері сәтті өнер көрсетеді деп күтілуде. Сонымен қатар Илья Коречников, Роман Морозов және Қостанай гольф мектебінен Бекарыс Сұлтанғазин сынды болашағынан үлкен үміт күттіретін еліміздің ойыншылары да бар. Осы спортшылардың немесе олардың құрдастарының бірі 2016 жылы Рио-де-Жанейрода өтетін Олимпиадалық ойында Қазақстан намысын қорғайды.
1998 жылдан бастау алатын Seimar Open Қазақстан чемпионатына осы уақытқа дейін мыңнан аса ойыншы қатысқан, олардың қатарында әлемнің әр елінен келген кәсіби және әуесқой спортшылар бар.