Алматыдан 293 шақырым қашықтықта жер сілкінді

АЛМАТЫ. ҚазАқпарат – Алматыдан 293 шақырым қашықтықта жер сілкінді, деп хабарлайды ҚазАқпарат.

«ҚР БҒМ ҒК СТӘЭ» ММ сейсмикалық стансалар желісі 6 қаңтарда Алматы уақытымен 20 сағат 8 минутта жер сілкінісін тіркеді. Жер сілкінісінің ошағы Алматы қаласынан 293 шақырым қашықтықта Қытай аумағында орналасқан.

Жер сілкінісінің энергетикалық класы - 10.6. MPV тербелісі - 4.8. Тереңдігі – 10 шақырым.

Жер дүмпуі Алматы қаласында сезілмеді.