Алматыдан 344 км қашықтықта жер сілкінді

АСТАНА. ҚазАқпарат - ҚР Білім және ғылым министрлігі Ғылым комитетінің «Сеймологиялық тәжірибелік әдістемелік экспедициясы» мемлекеттік мекемесінің сейсмикалық стансалар желісі 31 тамызда Алматы уақытымен 12 сағат 51 минут 51 секундта (2017 жылдың 31 тамыз күні Гринвич бойынша 06 сағат 51 минут 51 секундта) жер сілкінісін тіркеді, деп хабарлайды ҚазАқпарат. 

Зілзаланың ошағы Алматыдан оңтүстік батысқа қарай 344 шақырым қашықтықта Қырғызстан аумағында болды. Жер сілкінісінің энергетикалық сыныбы - 9.5. MPV магнитудасы 3.9. Зілзала ошағының бағыты 40.94° с.е. 74.07° ш.б. Тереңдігі 5 км. Жер дүмпуі Алматы қаласында сезілмеді.