Алматыдан 360 шақырым қашықтықта, Қытай аумағында жер сілкінді
АЛМАТЫ. ҚазАқпарат – ҚР Төтенше жағдайлар министрлігіне қарасты сейсмикалық стансалар желісі жер сілкінісін тіркеді, деп хабарлайды ҚазАқпарат.
Жерасты дүмпуі 30 тамыз күні Алматы уақытымен 22 сағат 05 минутта болған.
«Зілзала ошағы Алматыдан оңтүстікке қарай 360 шақырым қашықтықта, Қытай аумағында орналасқан. Энергетикалық класы - 9.1. MPV магнитудасы – 4.1, бағыты 40.01° с.е 77.58° ш.б. Тереңдігі – 5 шақырым. Сезілгені жайлы мәлімет жоқ»,-делінген кезекші оператордың хабарламасында.
Еске сала кетейік, бүгін астана уақытымен түнгі екі шамасында Алматыдан 322 км қашықтықта жер сілкінген еді.
