Алматыдан 417 шақырым қашықтықта жер сілкінді
АСТАНА. ҚазАқпарат - ҚР БҒМ «Сейсмологиялық тәжірибе-әдістемелік экспедициясы» ММ сейсмикалық стансалар желісі Алматы уақыты бойынша 15 сағат 07 минут 15 секундта жер сілкінісін тіркеді.
Жер сілкінісінің кіндігі Алматының оңтүстік-батысына қарай 417 шақырым жерде, Қырғызстан аумағында орын алды. Энергетикалық сыныбы 12.4. Магнитудасы MPV 5.8. Координаттары с.е. 42.13° ш.б. 72.03°, тереңдігі 10 шақырым. Сезілгені (МSК-64 шәкілі бойынша) туралы ақпарат жоқ.
