Алматыдан 508 шақырым қашықтықта жер сілкінді

АСТАНА. ҚазАқпарат - ҚР БҒМ Сейсмологиялық тәжірибелік-әдістемелік экспедициясы Сейсмикалық стансалар желісі 2019 жылдың 18 қаңтарында Алматы уақытымен 10 сағат 05 минут 16 секундта жер сілкінісін тіркеді, деп хабарлайды ҚазАқпарат.

Жерасты дүмпуінің ошағы Алматы қаласынан оңтүстік-батысқа қарай 508 шақырым жерде, Қырғызстан аумағында болды.

Жер сілкінісінің энергетикалық санаты - 9.7. MPV тербелісі - 4.1, тереңдігі - 5 шақырым.

Жер сілкінісі Алматы қаласында сезілген жоқ.