Алматыдан 639 шақырым жерде жер сілкінді

АСТАНА. ҚазАқпарат - Бүгін сағат 12:03-те Алматыдан 639 км жерде жер сілкінісі болды. Бұл туралы «ҚР БҒМ ҰК СТӘЭ» ММ Сейсмикалық станса желісінен хабарлады.

Жер сілкінісінің ошағы Алматы қаласынан шығысқа қарай 639 шақырым жерде Қытай аумағында болды.

«Жер сілкінісінің энергетикалық класы - 9.8. MPV тербелісі - 4.4. Зілзала ошағының координаттары 43.69° с.е. 84.76° ш.б. Тереңдігі 5 км. Сезілуі туралы мәлімет (МSК-64 бағаны бойынша) жоқ», - делінген хабарламада.