Алматылық әйел джип көлігін айдап әкетіп, жол-көлік оқиғасын жасады

ТАЛДЫҚОРҒАН. ҚазАқпарат - Алматы облысының полицейлері әйел зорлауға күдікті деп танылған ер азаматтың онымен бірге жәбірленуші болған фактісін тергеуде. Бұл туралы аймақтық ІІД-нің баспасөз қызметінен хабарлады.

Қарасай АІІБ-не Қаскелең қаласының тұрғыны келіп, өзінің «Тойота Ленд Крузер Прадо» көлігінің айдалып әкетілгені туралы шағымданды.

ІІД-нен көлікті алматылық жас әйел айдап әкеткенін түсіндірді. Полицияның қолына ұсталғанда әйел өзін ақтамақ болып, джиптің иесі оны зорлағанын айтты. Әйел бұл оқиғаның Қарасай ауданындағы Ұмтыл ауылындағы қонақүйлердің бірінде болғанын хабарлады.

Өз түсініктемесінде күдікті ер адам әйелдің онымен жақын қатынасқа өз еркімен түскенін түсіндірді. Кейінірек, ол ұйықтап қалған кезде әйел оның көлігінің кілтін ұрлап алып, оны айдап әкеткен. Ер адам бұл фактімен полицияға өтініш жазып келді.

Қазіргі уақытта ұрланған көлік табылды.

Джип жол-көлік оқиғасында соғылды. Жол талғамайтын көлікті басқара алмаған әйел жолдың бойында тұрған қоршауға соғылған.

Облыстық ІІД-нен хабарлағандай, анықталған фактілер бойынша екі қылмыстық іс қозғалды. Олармен Қарасай АІІБ-ның тергеушілері айналысуда.