Алматылық оқушылар мен студенттер екі күн үйден оқиды
АЛМАТЫ. ҚазАқпарат – Алматыда алдағы екі күн мектеп оқушылары мен колледж студенттері онлайн оқиды. Бұл туралы қалалық Білім басқармасынан мәлім етті, хабарлайды ҚазАқпарат тілшісі.
«2023 жылдың 12-13 қаңтары күні ауа райының қолайсыздығына байланысты 0-11 (12) сынып оқушылары мен колледждердің I, II курс студенттері қашықтан білім беруді ұсынудың талабы мен ережесіне сәйкес қашықтан оқытуға көшіріледі», - делінген Білім басқармасының мәліметінде.
Бұған дейін Алматыда қалың қар жауып, -25 градус аяз болатыны туралы жазған болатынбыз.
Сондай-ақ әкімдікте қысқы тазалау технологиясына сәйкес, қала көшелері қалай тазартылатынын айтты.
Айта кетейік, кеше түскі сағат 12:00-де басталған қар тоқтаусыз жауып тұр.
