Алматылық волейболшылар Балалар лигасының Қызылжардағы күзгі ел чемпионатынан олжалы қайтты

АЛМАТЫ. 13 қараша. ҚазАқпарат - Петропавлда волейболдан Балалар лигасындағы 12-13, 14-15 және 16-17 жас аралығындағы 34 команданың арасында өткен күзгі Қазақстан чемпионаты алматылықтар үшін сәтті аяқталды.

Олар 1996-1997 жылдары туған жасөспірімдер арасында 12 команданың арасында бірінші орынға ие болды. Күміс және қола жүлдені Оңтүстік Қазақстан облысы мен Өскеменнің «Барақ батыр» командалары иеленді. Ал 1998-1999 жылдары туған балалар арасында 12 команданың арасынан Өскеменнің «Барақ батыры» жеңімпаз атанып, Алматы қаласы мен Оңтүстік Қазақстан облысының волейболшылары 2-3 орынды бөлісті. 2000-2001 жылдары туған кіші топтағы сайысқа алматылықтар қатыспаған болатын. 10 команданың арасында өткен бұл додада Қызылорда қаласы бірінші, Оңтүстік Қазақстан облысы екінші, ал өскемендіктер («Барақ батыр») қола жүлдегер атанды.