Алматылық жас натуралистер Ресейдегі халықаралық байқаудан жеңіспен оралды

АЛМАТЫ. 23 желтоқсан. ҚазАқпарат - Ресейдің Санкт-Петербор қаласында экология және өлкетану жобалары бойынша 13-17 желтоқсанда өткен «Бұлақтар» халықаралық байқауынан қазақстандықтар олжалы қайтты.

Онда алматылық жас натуралистер командасы бірінші орынды жеңіп алды. Оны Ресейдің «Школьная страна» газеті мен «Отчизна» ақпараттық порталы бірлесіп ұйымдастырған болатын. Байқаудың мақсаты - мұғалімдер, тәрбиешілер, оқушылар және олардың ата-аналары тартылған үздік бірлескен жобаларды анықтау, насихаттау және қолдау.
Бұл байқауда «Біздің өлке - Жетісу» жобасымен қатысқан Алматы қаласының Жас натуралистер стансасының өрендері «Өлкетану» аталымы бойынша үздік шықты. Оларға «Экологиялық өлкетану» үйірмесінің жетекшісі, әдіскер Елена Ударцева жетекшілік жасаған еді.