Алматылықтарды мезі еткен теміржол тұйығында дыбыс оқшаулау жұмыстары жүргізіледі
«Мен Павлодар көшесінен келдім. Онда жылдар бойы жөндеу көрмеген теміржол тұйығы бар. Әр түн сайын ол тұйыққа 5-6 вагоннан әкелінеді. Оның дауысынан балалар оянады, түнде ұйықтау мүмкін емес», - деді әкіммен кездесуде көпшілік атынан мәселе көтерген аудан тұрғыны.
Қала әкімі бұл мәселе осы көктемде шешілетінін жеткізді.
«Күн жылынған соң барлық жеке кәсіп иелерін аталған мекен-жайға жинауды жоспарлап отырмыз. Оларға өз қаражаты есебінен теміржолдың осы учаскесін жөндеуді және дыбыс оқшаулауды қамтамасыз етуді тапсырамыз. Бұл мәселені олардың наурыз-сәуір айларында шешуін өзім тікелей бақылаймын», - деді Ерболат Досаев.
Бұған дейін хабарлағанымыздай, әкім Жетісу ауданында наурыз айында жаңа саябақтың құрылысы басталатынын мәлім етті. Нақтырақ айтқанда, демалыс орны «Кемел» шағын ауданында салынады.