Әлімхан Сыздықов грек-рим күресінен Азия чемпионатының финалына жолдама алды

АСТАНА. KAZINFORM – Қазақстандық балуан Әлімхан Сыздықов грек-рим күресінен Амманда (Иордания) өтіп жатқан Азия чемпионатының алтын медалі үшін күреседі. 

130 келіге дейінгі салмақ дәрежесінде Сыздықов жартылай финалда өзбекстандық Темурбек Насимовты 4:1 есебімен жеңді. 

Ал 63 келіге дейінгі салмақта Сұлтан Әсетұлы 1/2 финалда Айтжан Халмахановқа (Өзбекстан) есе жіберді. Сондай-ақ 87 келіде белдескен Шамиль Ожаев та финалға өте алмады. Ол өзбекстандық Жалғасбай Бердимуратовқа жол берді.

Бұған дейін Сұлтан Әсетұлы грек-рим күресінен Азия чемпионатының жартылай финалына жолдама алғанын жазған едік.