Америкадағы шатдаун аяқталды: Трамп бюджетке қол қойды

АСТАНА. KAZINFORM — АҚШ президенті Дональд Трамп бұрын Конгрестің екі палатасы да мақұлдаған алдағы екі айға арналған бюджет жобасына қол қойды, деп хабарлайды BBC. 

Федералды үкімет енді 43 күндік үзілістен кейін жұмысқа орала алады. Бұл АҚШ тарихындағы ең ұзақ шатдаун болды. 

Жобаны Өкілдер палатасының 222 мүшесі қолдады, оны мақұлдау үшін көпшіліктің дауыс беруі ғана қажет болды. Бюджет жобасы бұған дейін АҚШ Сенатында мақұлданған болатын. 

Сәрсенбіде қабылданған бюджет заң жобасы федералды үкіметке тағы екі айдан астам уақыт, яғни 2026 жылдың 30 қаңтарына дейін жұмыс істеуге мүмкіндік береді.

Қабылданған бюджет жобасы барлық федералды департамент пен агенттіктердің жұмысын қайта бастайтынына және 2026 жылдың 30 қаңтарына дейін қаржыландырылатынына кепілдік береді. Бұл сондай-ақ жұмысты тоқтату салдарынан федералды қызметкерлерді жұмыстан босату және жұмыстан шығару тоқтатылатынын білдіреді.

President Trump signs bill to OFFICIALLY reopen the government, ending the Democrat Shutdown.

Let's get our country WORKING again. 🇺🇸 pic.twitter.com/QJqX90k9sC

— The White House (@WhiteHouse) November 13, 2025

АҚШ-та ұзаққа созылған шатдаун экономика мен жаһандық тұрақтылыққа қалай әсер еткенін мына материалдан оқи аласыз.