Америкалық БАҚ Байденнің пікірталастағы сәтсіздігін талқылап жатыр
АСТАНА. KAZINFORM - Америкалық және әлемдік бұқаралық ақпарат құралдары АҚШ президенті Джо Байденнің сайлаудағы болашақ қарсыласы Дональд Трамппен алғашқы пікірталаста сөйлеген сөзін қызу талқылап жатыр. Сарапшылардың пікірінше Байден үмітті ақтамады. Бұл туралы ВВС жазды.
Көптеген сарапшылардың ойы бір жерден шықты. Олардың пікірінше, пікірталас Байден үшін жақсы мүмкіндік болғанымен, екінші мерзімге сайланғысы келетін АҚШ-тың қазіргі президенті бұрынғы президентке қарағанда әлдеқайда әлсіз болып көрінді, ал Трамп, керісінше, сенімді және батыл сөйледі.
«Байденнің пікірталастағы өнері аға демократтар үшін ояту қоңырауы болды», - деп хабарлады CNN.
Кейбір демократтардың сөзжарыстан шығуға ниеті және пікірталас нәтижесіне алаңдаушылығы туралы сұрағына Байден жоқ деп жауап берді, деп жазады The Hill.
«Жоқ. Өтірікшімен сөз жарыстырудың өзі қиын. New York Times оның 26 рет өтірік айтқанын есептеді», - деді АҚШ президенті.
Тізімде 59 жастағы вице-президент Харристен басқа Калифорния штатының губернаторлары Гэвин Ньюом (56), Иллинойс Джей Притцкер (59) және Мичиган Гретчен Уитмер (52), сондай-ақ Огайо штатының сенаторы Шеррод Браун (71) бар. Сондай-ақ праймеризге қатысқан, бірақ Байденнен жеңіліп, жарыстан шығып қалған Миннесота Дин Филлипс бар.
