Американдық бокcшы Бриггс кіші Кличкоға бәтеңке лақтырды

АСТАНА. ҚазАқпарат - WBA/WBO/IBF нұсқалары бойынша ауыр салмақтағы әлем чемпионы Владимир Кличко жаттығуын бұрынғы әлем чемпионы Шеннон Бриггстің кесірінен тоқтатуына тура келді

Алдымен американдық өзін әдепті ұстады, бірақ соңынан көйлегін жыртты, айқайға басып, сол жерде жекпе-жекке шақырды. Одан бас тартқандығын естіген соң ызаға булыққан ол украиндыққа қарай бәтеңкесін жіберіп қалды, деп хабарлайды Росбалт.

Кличко АҚШ-та австралиялық Алекс Леапаимен кездесуге дайындалып жатыр. Ол 26 сәуірде Оберхаузенде өтеді.