Ана мен баланың денсаулығы жайы қаралды - Қызылорда

ҚЫЗЫЛОРДА. Маусымның 16-сы. ҚазАқпарат (Руслан Игілік) - Кеше Қызылордада облыста ана мен ба­ла өлім-жітімін азайтудың іс-шаралар жос­парының орын­да­луын бақылау жөніндегі үйлестіру кеңесінің кезекті отырысы өтті.

Басқосуда облыстық денсаулық сақтау басқармасы бастығының орынбасары Ләйлә Құлтаева облыс бойынша үстіміздегі жылдың бес ай қорытындысымен ана және сәбилер өлімінің жағдайларына талдау жаса­ды. Аталған мерзімде 8090 бала дүниеге келген. Бұл өткен жылмен салыстырғанда, 981-ге артық. Ал бала шетінеуі 3,5 пайызға өскен. Маман­дар сәбилердің шетінеуін көп жағ­дайда жүкті әйелдердің дер кезінде медициналық сараптамалардан өтпеуімен байланыстыруда. Есепті кезеңде облыс көлемінде ана өлімінің үш жағдайы тіркелген.

Басқосуда аталған келеңсіз жағ­дай­лардың себеп-салдары талқы­ланып, жан-жақты сараланды. Кеңес отырысында сонымен қатар, респуб­ликалық ақпараттық талдау орталығының облыс бойынша филиал директоры Сәуле Нәлібаеваның облыс көлеміндегі өңірлік бюро қызметінің атқарған жұмыстары жайында хабарламасы тыңдалды.