Анастасия Рыпакова Оңтүстік Кореядағы ірі турнирде күміс медаль жеңіп алды

АСТАНА. KAZINFORM — Жеңіл атлетикадан Қазақстан құрамасының өкілі Анастасия Рыпакова Оңтүстік Кореяның Йечхон қаласында өтіп жатқан ірі Korea Open Athletics Meeting турнирінде екінші орын алды. Бұл туралы Ұлттық олимпиадалық комитет хабарлады.

Спортшы ұзындыққа секіру сайысында екінші орынға ие болды.

Анастасия өзінің үздік нәтижесінде 5.92 метрге секірді.

Бірінші орынды оңтүстіккореялық Ю Чон Ми (6.04 м) иеленсе, қола жүлде Таиланд спортшысы Паринья Чуаймаруэнгке (5.54 м) бұйырды.

Айта кетейік, футболдан әйелдер арасындағы Қазақстан чемпионатының сегізінші туры өтеді.