Анасы смс жазып жатқанда баласы бассейнге батып кетті
АСТАНА. ҚазАқпарат - Қайғылы оқиға Қытай аумағындағы аквапарктердің бірінде орын алды. Анасы смс-хабарлама жазумен әуреленіп жатқан шақта жанындағы төрт жасар баласы бассейнге батып кетті.
Небәрі бірнеше қадам жерде тұрғандығына қарамастан, ол баласының қалай суға тұншыққанын байқамай да қалды. Жантүршігерлік жағдай бақылау камерасына түсіп қалған, деп хабарлады Mirror.
Төменде жарияланған кадрда анасы бассейнде тұрып, әріптерді қалай теріп жатқаны түсіп қалған, ал баласы суға бір батып-бір шығып, өліммен арпалысып жатты. Қайғылы жағдайдың қай қалада болғаны белгісіз.
Балада құтқару жилетіні неге жоқтығы, әдетте аквопарктерде балаларды бақылап жүретін жедел қызмет қызметкерлері қайда жүргені айтылмай отыр.
