Анатолий Руденко жүзуден жасөспірімдер Олимпиадасының финалына шықты
АСТАНА. KAZINFORM — Қазақстандық жүзгіш Анатолий Руденко Дакарда (Сенегал) өтіп жатқан жасөспірімдер Олимпиадасының іріктеу кезеңінде сәтті өнер көрсетті, деп хабарлайды ҰОК баспасөз қызметі.
Отандасымыз 100 метрге брасс әдісімен жүзуден ел намысын қорғады.
Іріктеуде ол қашықтықты 1:04.12 уақытта бағындырып, өз тобында үшінші орын алды. Ал финалға сегізінші орынмен шықты.
Айта кетейік, финал бүгін, 3 қарашада өтеді.
Бұған дейін Анатолий Руденко жүзуден жасөспірімдер Олимпиадасында 200 метрге брасс әдісімен жүзуден алтыншы орын алғанын жазғанбыз.
