Анна Данилина Аустралиядағы жарыстың финалынан тыс қалды

АСТАНА. KAZINFORM – Қазақстанның жұптық сындағы бірінші, әлемнің 23-ракеткасы Анна Данилина Аделаида WTA 500 турнирінің финалына шыға алмай қалды.

Анна Данилина
Фото: Қозоғистон теннис федерацияси матбуот хизмати

Қазақстандық теннисші ресейлік Ирина Хромачевамен бірге жартылай финалда бразилиялық Беатрис Хаддад Майя – германиялық Лаура Зигемундпен соңғы бәсекенің жолдамасын сарапқа салды.

Бірінші партияда бразилиялық-германиялық дуэт басымдылық танытты – 6:2.

Екінші сетте есеп 5:5 болған мезетте Данилина – Хромачева брейк жасап кетті – 7:5. Алайда супер тай-брейкте қарсыластары сәтті ойнады – 10:7.

Бір сағат 54 минутқа созылған тартысты матчта қазақстандық-ресейлік жұп 2 эйспен бірге 7 брейк-пойнттың біреуін ғана пайдаланды. Хаддад Майя – Зигемунд 1 эйс, 2 брейкпен (12 брейк-пойнт) көзге түсті.

Еске сала кетейік, бұдан бұрын отандық теннисшілердің Аустралия ашық чемпионатындағы қарсыластары анықталғанын жазған болатынбыз.

 

Соңғы жаңалықтар