Антарктидада жаңа температура рекорды тіркелді

АСТАНА. KAZINFORM - Ғалымдар жердің суық полюсі орналасқан Антарктидадағы «Восток» станциясында (рекордтық минимум 1983 жылы -89,2 градус) жаңа температура максимумы (-34,2) градусты тіркеді, деп жазады ТАСС.

Қазір Антарктидада қыс, шілде және тамыз айлары континент үшін ең суық айлар. Алайда тіркелген температура планетаның ең суық нүктесінде қыс айлары үшін жылы болып тұр, деп хабарлады Арктика және Антарктика ғылыми — зерттеу институтының (AANIA) баспасөз қызметі.

- Арктика және Антарктика ғылыми-зерттеу институтының ғалымдары жердің ең суық нүктесін тұрақты бақылау кезінде қыстың максималды температурасын тіркеді. 2024 жылдың 6 тамызында Орталық Антарктидадағы «Восток» станциясында термометр бағаны -34,2 градусты көрсетті. 2024 жылдың 7 тамызында Восток станциясында - 48,8 градусқа дейін салқындады,-деді баспасөз қызметі.

Институт шілде айында станциядағы орташа жылдық температура - 66,6 градус, тамызда -67,6 градус болғанын мәлімдеді. «Востоктағы» температура планетадағы ең экстремалды температура саналады, сондықтан оны өлшеу үшін -100-ден +20 градусқа дейінгі арнайы шкаласы бар термометр қолданылады.