Апта ішінде 5469 қылмыс тіркеліп, оның 2549-ы «ізі суымай» ашылды - ҚР ІІМ
АСТАНА. 13 ақпан. ҚазАқпарат - Осы апта ішінде елімізде 5469 қылмыс тіркеліп, оның 2549-ы «ізі суымай» ашылды, деп хабарлады ҚР ІІМ баспасөз қызметі.
Сонымен қатар ведомство ақпаратына қарағанда, бұған дейін жасалған 731, оның ішінде өткен жылдар санатындағы 228 қылмыс әшкереленді. Іздеу жарияланған 80 қылмыскер іздестіріліп табылды. 8 дана қару тәркіленіп, 71 есірткі қылмысы анықталды, оның ішінде 29 сату фактісі бар. 91 келіден астам есірткі тәркіленсе, оның 6,5 келіге жуығы - героин.
