Аралда тәулігіне 180 тонна бидай тартатын ұн кәсіпорны ашылды

ҚЫЗЫЛОРДА. ҚазАқпарат -Бүгін Қызылорда облысы Арал ауданында арнайы іссапармен болған облыс әкімі Қырымбек Көшербаев кәсіпорын жұмысымен танысты, - деп хабарлады облыстық әкімдіктің баспасөз қызметінен.

«Ranap Vip Product» компаниясы желтоқсан айынан бастап «Аралым» ұнын шығаруда. Түркияның құрал-жабдығымен жабдықталған кәсіпорын тәулігіне 180 тонна бидай тартуға мүмкіндігі бар. Қазіргі таңда 50-ден астам адамды жұмыспен қамтып отыр. Бидай Қостанай, Ақтөбе облыстарынан әкелінуде. Комбинат аймақтың 42 пайызын ұнмен қамти алады.

Аймақ басшысы кәсіпорынның мемлекеттік бағдарламалар негізінде жұмыс жасауын тиісті басқарма басшыларына тапсырды.