12:00, 27 Тамыз 2010 | GMT +5
Аралдықтарды әлеуметтік тұрғыда қолдауға республикалық бюджеттен 30 млн. теңге бөлінді - Қызылорда облысы
ҚЫЗЫЛОРДА. Тамыздың 27-і. ҚазАқпарат /Жаңагүл Сердалы/ - Қызылорда облысы Арал ауданының тұрғындарын әлеуметтік тұрғыда қолдау үшін республикалық бюджеттен 30 млн. теңге бөлінді. Қазіргі таңда оның 18 млн. теңгесі ел иігілігіне жаратылды.
Ағымдағы жылы әлеуметтік жұмыс орындарына 250 адамды тарту жоспарланып отыр. Осы кезеңде 250 адам сұраныс бойынша 57 мекемеге жіберілді. Сондай-ақ тәжірибелі 300 жас маман өз мамандықтары бойынша түрлі мекемелерге жолдама алды.