Әрбір екінші қазақстандық тұрғын үй жағдайларын жақсартуға мұқтаж
«Халықтың тұрғын үй жағдайын жақсарту іс-шараларын қаржыландыруға деген сұранысы әлі де жоғары деңгейде. Атап айтсақ, «Әлеуметтік-саяси зерттеулер орталығы» Қоғамдық қоры жүргізген зерттеулер нәтижесі бойынша халықтың 55 пайызы, яғни әрбір екінші қазақстандық бүгінгі таңда өздерінің тұрғын үй жағдайларын жақсартуға мұқтаж», - дейді Басқарма төрайымы.
Оның айтуынша, осындай мұқтаждықты еңсеру мақсатында «Қазақстанның тұрғын үй құрылыс жинақ банкі» акционерлік қоғамы 2003 жылдан бастап жұмыс істей бастаған. «Қазақстан - тұрғын үй сатып алуға, салуға және жөндеу жүргізуге қымбат емес тұрғын үй несиелерін алу мақсатында жеке қаражат жинақтауға негізделген аталған жүйенің ұстанымдары мен талаптары іске асырылатын ТМД аумағындағы жалғыз ел», - дейді Н. Наурызбаева.