Аргентинадағы футбол мерекесі кезінде жанкүйер көз жұмды

АСТАНА. ҚазАқпарат – Аргентина құрамасының жанкүйері халықтық серуен кезінде көз жұмды, деп хабарлайды ҚазАқпарат тілшісі.

Британдық Dally Mail басылымы мәлім етіне қарағанда, ел құрамасының жеңісіне байланысты мерекелік серуен кезінде жанкүйер иығына асып алған Аргентина ұлттық туына тұншығып қайтқан.

Оқиға Буэнос-Айрес провинциясының Баия-Бланка қаласында болған. Марқұм Себастьян Оскар Масиэль 22 жаста. Ол өзінің мотоциклімен жүргенде, тудың бір бөлігі дөңгелектің астына түскен. Соның салдарынан жас жігіт тұншығып қайтқан.

Қазіргі кезде тергеу амалдары жүргізілуде.

Бүгін Аргентина құрамасы еліне оралды. Оларды жанкүйерлер салтанатты отшашумен қарсы алды. Футболшылар мінген автобус Буэнос-Айрес көшелерімен жүріп өтпекші.

Аргентина футболшыларының алтын жүлдесін бүкіл ел тойлап жатыр.

Еске сала кетейік, бұдан бұрын пенальти сериясында Францияны жеңген Аргентинаның үшінші рет әлем чемпионы атанғанын жазған болатынбыз.

Сондай-ақ Лионель Месси Қатардағы әлем чемпионатының үздік ойыншысы болды.

«ПСЖ» клубы Килиан Мбаппені 300-350 млн еуроға сатуға дайын.

Мессидің кубокпен түскен фотосы желіде рекордтық лайк жинады.

Фото: AP photo