Арменияда 10 жылда алғаш рет әскери шеру өтеді

АСТАНА. KAZINFORM - 28 мамырда Ереванның Республика алаңында әскери шеру өтеді, онда соңғы жылдары алынған әскери техника көрсетіледі, деп хабарлайды Kazinform агенттігінің меншікті тілшісі.

Премьер-министр Никол Пашинян алдағы іс-шара туралы арнайы брифинг барысында жариялады.

- Шешім нақты. 28 мамырда, Республика күнінде, Ереванның бас алаңында әскери шеру емес, Армения азаматтарына есеп беру өтеді. Біз бұл мәселе бойынша жұмыс істеп жатқанымызды және халықаралық серіктестерімізбен ынтымақтасып жатқанымызды айтқым келеді. Әскери шеру, әдетте, өте нәзік мәселе, ол бейбітшіліктен шегіну, оны қабылдамау сияқты әсер қалдыруы мүмкін. Біз халықаралық қоғамдастықтағы, соның ішінде аймақ елдеріндегі серіктестерімізбен бірге жұмыс істейміз және жұмыс істей береміз, олар мұны бейбітшілік күн тәртібінен бас тарту ретінде қабылдамауы үшін, - деді Премьер-Министр.

Ол бұған дейін азаматтарға сатып алынған әскери техниканы тексеру үшін тіркелу мүмкіндігін ұсынғанын, бірақ өтініш берушілердің көптігіне байланысты бұл бастама мүмкін емес болып шыққанын еске салды.

Оның айтуынша, азаматтардың қатысуы әскери техника туралы «бұрмаланған» ақпараттың таралуына әкелуі мүмкін еді.

- Менің ойымша, әскери техниканың бұл көрсетілімі Армения азаматтары үшін әсерлі көрініс болады,- деп қорытындылады Пашинян.

Тәуелсіз Армениядағы әскери шерулер бес жылда бір рет және тек Тәуелсіздік күні өткізілгенін атап өткен жөн; соңғысы 2016 жылдың 21 қыркүйегінде өтті.

Айта кетейік, бұған дейін АҚШ пен Армения қарым-қатынасы жаңа кезеңге өткені хабарланды.