12:59, 23 Желтоқсан 2009 | GMT +5
Арнаулы өкіл қоғамдық бірлестіктер мен үкіметтік емес ұйым жетекшілерімен кездесті
ҚЫЗЫЛОРДА. Желтоқсанның 23-і. ҚазАқпарат (Руслан Игілік) - Қазақстан Республикасы Президентінің «Байқоңыр» кешеніндегі арнаулы өкілі, Қызылорда облысы әкімінің орынбасары Сәбит Қожаметов жергілікті қоғамдық бірлестіктер және үкіметтік емес ұйымдар, дәстүрлі діни орталықтар мен бұқаралық ақпарат құралдарының өкілдерімен кездесті,

деп хабарлайды ҚазАқпарат тілшісі.
-Арнаулы өкіл басқосудағы негізгі мақсат ортақ мүддеге сай бірлескен қимылдың қарқынын күшейтіп, бір арнаға тоғыстыру екенін атап өтті. Сондай-ақ алдағы уақытта ай сайын тұрғындармен екі рет кездесу өткізіліп, оларды толғандырып жүрген мәселелердің талқыға түсетіндігіне тоқталды.
Төретам кенті мен Ақай ауылындағы ардегерлер кеңесінің төрағалары Әділхан Өтепбергенов, Жаңаберген Аманжолов және басқалар ұтырлы ұсынысты қуана қолдап, ең алдымен жыл сайын қатары қалыңдаған көшіп келушілердің арасындағы жұмыссыздықты азайтудың жолдарын қарастыру керектігін алға тартты.