Аршалы ауданында мүмкіндігі шектеулі балаларға жаңа жылдық шырша ұйымдастырылды

КӨКШЕТАУ. ҚазАқпарат - Аршалы ауданында мүмкіндігі шектеулі балаларға жаңа жылдық шырша ұйымдастырылды. Бұл туралы облыстық ішкі саясат басқармасының баспасөз қызметінен хабарлады.

Мерекелік шараға мүмкіндігі шектеулі 40-қа жуық бала қатысты. Оларға Аяз ата мен Ақша қар және түрлі ертегілер кейіпкерлері мерекелік көңіл күй сыйлады. «Акцияның мақсаты - балаларға азғантай болса да мерекелік көңіл күй сыйлау», - деді Аршалы аудандық жұмыспен қамту және әлеуметтік бағдарламалар бөлімінің басшысы Гулзәда Жекебаева. Шара барысында аудандық жастар орталығының қызметкерлері балаларға түрлі қызықты қойылымдар ұсынып, мерекелік кештің ажарын кіргізді. Балаларға тәттілер үлестірілді.