«Арзан ыдыс-аяқ алып беремін»: Маңғыстаулық әйел тұрғындарды алдап, 3 млрд теңге жинаған
Маңғыстауда Қытайдан төмен бағаға ыдыс-аяқ алдырып беремін деп, тұрғындарды 3 млрд теңгеге алдаған 39 жастағы әйел қамауға алынды. Оның үстінен полицияға 250-ге жуық арыз түскен, деп хабарлайды Kazinform.
39 жастағы келіншек WhatsАpp желісінде топ ашып, Қытайдан төмен бағаға ыдыс-аяқ жеткізетіні туралы хабарлаған. Тауарды жеңілдікпен алу механизміне мүмкіндігінше тапсырыс берушілерді көптеп тартқан.
Қазіргі уақытта келтірілген материалдық шығын көлемі 3 млрд теңгеге жеткен.
«Бұл дерек бойынша қылмыстық кодекстің 190-бабы 4-бөлігі (Аса ірі мөлшердегі алаяқтық) бойынша сотқа дейінгі тергеп-тексерудің бірыңғай тізілімінде тіркелді. Қазір 39 жастағы әйел қамауіа алынып, тергеу жүргізіліп жатыр», - деп мәлім етті Маңғыстау облысы Полиция департаментінің баспасөз қызметінен.
