22:08, 30 Қыркүйек 2020 | GMT +6
Әсет Исекешев Армения Қауіпсіздік Кеңесінің Хатшысымен телефон арқылы сөйлесті
НҰР-СҰЛТАН. ҚазАқпарат – Армян тарапының бастамасы бойынша Қазақстан Республикасы Президентінің көмекшісі – Қауіпсіздік Кеңесінің Хатшысы Әсет Исекешев Армения Республикасы Қауіпсіздік Кеңесінің Хатшысы Армен Григорянмен телефон арқылы сөйлесті, деп хабарлайды ҚазАқпарат Ақордаға сілтеме жасап.
Тараптар Таулы Қарабақ төңірегіндегі армян-әзербайжан қақтығысының ушығуына байланысты ахуалды талқылады.
Әсет Исекешев әріптесіне Қазақстан тарапының ахуалды тұрақтандыру үшін барлық шараны қабылдау, күштік құралдарды пайдаланудан бас тарту қажеттігі, сондай-ақ, мәселені тек саяси және дипломатиялық тұрғыдан шешу туралы ұстанымын жеткізді.