Ашықтық пен тиімділік: дәрілік қамтамасыз ету саласындағы дербестік әрі таңбалауда қандай жаңашылдық бар
АСТАНА. KAZINFORM – Денсаулық сақтау министрлігі қолжетімділікті, ашықтықты және тиімділікті арттыруға бағытталған дәрі-дәрмекпен қамтамасыз ету жүйесін реформалауды жалғастыра береді. Бұл туралы ведомствоның баспасөз қызметі мәлім етті.
2025 жылғы 1 шілдеден бастап Астанада бірлескен төлем тетігінен амбулаториялық дәрі-дәрмекпен қамтамасыз етуді орталықсыздандыру бойынша пилоттық жоба басталады.
2025 жылғы 1 қаңтардан бастап медициналық ұйымдар дәрі-дәрмектер мен медициналық бұйымдарды ҚР Қаржы министрлігінің электрондық қаржы орталығының веб-порталы арқылы сатып ала алады, бұл ашықтық пен шығындарды бақылауды қамтамасыз етеді.
Стационарлардағы өзгерістер:
2024 жылы клиникалық фармакология және госпиталдық фармация (ГФБ) 78 бөлімшесі ашылды. 2025 жылы тағы 150 ГФБ орналастыру жоспарланған, ал 2026 жылға қарай мұндай бөлімшелер барлық медициналық ұйымдарда пайда болуы тиіс.
Олардың міндеті – емдеудің қауіпсіздігі мен тиімділігін арттыратын дәрі-дәрмектерді жеке есепке алу және ұтымды пайдалану.
Бағаны төмендету және дәрі-дәрмектерді бақылау:
- Маркетинг және көлік шығыстары алынып тасталды,
- Бірыңғай регрессивті үстеме шкаласы енгізілді,
- Генериктердің шекті бағасы 30%-ға төмендеді,
- Салық қызметімен интеграция арқылы бағаны бақылауды күшейтеді.
Дәрі-дәрмектерді таңбалау және контрафактіге қарсы күрес:
2024 жылғы 1 шілдеден бастап дәрі-дәрмектерді міндетті түрде таңбалау енгізілді, бұл олардың қозғалысын бақылауға және бағаларды онлайн бақылауға мүмкіндік береді.
Амбулаториялық дәрі-дәрмекпен қамтамасыз ету «әлеуметтік әмиян» арқылы: 3,5 млн электрондық рецепттің негізінде пациенттерге дәрі-дәрмектер берілді
Мемлекет басшысының тапсырмасы бойынша 2024 жылы QR-кодтары бар «әлеуметтік әмиян» сервисі арқылы дәрі-дәрмек беру бойынша пилоттық жоба іске қосылды.
Министрлік дәрі-дәрмекпен қамтамасыз ету жүйесін жақсарту бойынша жұмысты жалғастырып, оны қолжетімді әрі ашық етеді.
Еске сала кетейік, бұған дейін дәрі-дәрмектер мен медицина бұйымдарының бағасы төмендеуі мүмкін екенін жазған болатынбыз.
