Әскердегі сарбаздың ата-анасымен жүзбе-жүз тілдесуіне мүмкіндік туады

АСТАНА. KAZINFORM – Қазақстан Армиясында аrmia.kz мобильды қосымшасы іске қосылады. Бұл туралы Қорғаныс министрлігі Тәрбие және идеологиялық жұмыс департаментінің бастығы, әділет полковнигі Тілеухан Басқожаев айтты.

- Таяуда министр Жоғарғы бас қолбасшыға біздің ақпараттық порталымыз - аrmia.kz мобильді қосымшасын таныстырды. Бұл қосымшаның мүмкіндіктері өте мол. Мобильді қосымшаны IOS, Android операциялық жүйесі бар барлық телефонға жүктеп алуға болады. «Шынайы» уақыт режимде анасы, жақындары сарбаздың жауынгерлік дайындықтан бос кез келген уақытында онымен, командирімен тілдесе алады, – деді ол Орталық коммуникациялар қызметіндегі брифингте.

Оның дерегінше, мобильді қосымшаны Ұлттық қорғаныс униерситетінің әскери-ғылыми взвод әскери қызметшілері әзірлеп шыққан. Оған жасанды интеллекті элементтері де енгізілген.

Бұған дейін әскерде жүрген сарбаздың несиесін тоқтату үшін ата-ана не істеу керектігін жазған едік.