Астана әуежайында жанкүйерлер Қанат Ислам бастаған боксшыларды қарсы алады

АСТАНА. ҚазАқпарат - Бүгін Алматы-Астана әуе рейсімен елордаға Қанат Ислам бастаған боксшылардың бір тобы келеді, деп хабарлайды ҚазАқпарат тілшісі.

Осыған орай, «Нұрсұлтан Назарбаев» Халықаралық әуежайында арнайы баспасөз мәслихаты ұйымдастырылады. Сол жерде бапкерлер мен боксшылар 9 қыркүйек күні болатын бокс кеші туралы жан-жақты айтып береді.

Ресми мәліметке сәйкес, Қанат Исламмен бірге Жанкош Тұраров пен Нұрсұлтан Жаңабаев та бар. Ал баспкерлер тобын Нельсон Лопес бастап келеді.

Айта кетейік, 9 қыркүйек күні Астанадағы «Сарыарқа» велотрегі ғимаратында Қанат Ислам (24-0, 19КО) канадалық Брэндон Кукпен (18-0, 11КО) кездеседі. Боксшылар бірінші орта салмақтағы IBF титулынан үміткерлік үшін таласады.

Осы жекпе-жектің андеркардында 8 қазақстандық боксшы өнер көрсетеді. Олар - Жанқош Тұраров (21-0, 15КО), Жәнібек Әлімханұлы (1-0, 1КО), Мейірім Нұрсұлтанов (3-0, 2КО), Руслан Мырсатаев (3-0, 3КО), Әли Ахмедов (7-0,5КО), Айдос Ербосынұлы (6-0, 6КО), Димаш Ниязов (11-0-3, 5КО) және Нұрсұлтан Жаңабаев (2-0, 1КО).

Барлық боксшыларымыз осы уақытқа дейін бірде-бір рет жеңілмеген.