Астана электр желісіндегі апат: Елорданың медициналық мекемелері тоқтаусыз жұмыс істеп тұр

Электр желісіндегі апат елорданың медициналық мекемелерінің жұмысына әсер еткен жоқ, деп хабарлайды Kazinform Астана әкімдігінің ресми сайтына сілтеме жасап.

«Электр желісіндегі апат қалалық 7 медициналық мекемеге әсер етті. Бірақ олардың барлығы генераторларға қосылған, сол себепті бұл нысандарда электр қуаты сөнген жоқ. Жұмыста ақаулар болған жоқ»,-делінген хабарламада.

Осыған дейін елордада желідегі апат салдарынан жарық сөнгені хабарланды.