Астана халықаралық әуежайындағы жұмыс қайта жанданды

АСТАНА. KAZINFORM - Астана халықаралық әуежайындағы жұмыс қайта жанданды, деп хабарлайды Астана халықаралық әуежайының баспасөз қызметі. 

«Астана уақытымен 10:48–де Астана халықаралық әуежайының Т2 Ішкі ұшулар терминалы қолданысқа берілді. Ішкі ұшулар терминалында жолаушыларды рейске тіркеу ашылды. Сондай-ақ халықаралық рейстер терминалын іске қосу жұмыстары жүріп жатыр. Әуежайдағы жұмысты жалғастыру төтенше жағдайлар министрлігінің мамандарының рұқсатымен мүмкін болды», — делінген хабарламада.

Осыған дейін Астана халықаралық әуежайынан өрт шығып, адамдар эвакуацияланғанын хабарладық.

Сондай-ақ, әзірге 18 рейс кешіктіріліп жатыр.