Астана мен алты қалада ауа сапасы нашарлайды

АСТАНА. KAZINFORM – Бүгін еліміздің 7 қаласында жайсыз метеорологияық жағдай қалыптасып, ауа ластанады.

- 2025 жылғы 1 наурызда Қарағанды, Теміртау, Жезқазган, Балқаш, Өскемен, Семей, Риддер, Астана қалаларында ауаның ластануының қолайсыз метеорологиялық жағдайлары күтіледі, - делінген хабарламада.

Қолайсыз метеорологиялық жағдайлар — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.

Осыған дейін ертең Өскеменді тағы тұман тұмшалап тұратынын жаздық.