Астана мен Атбасар аралығында жол жабылды

АСТАНА. ҚазАқпарат - Ақмола обылысындағы республикалық маңыздағы жолдың учаскесі жабылды. Бұл туралы «Қазақавтожол» РМК-ден хабарланды.

Атап айтқанда, боранға байланысты сағат 16:30-дан бастап «Екатеринбор-Алматы» жолының 1007-1247 шақырымындағы Астана мен Атбасар аралығында көлік қозғалысы шектелді.

Бұдан бұрын хабарланғандай, қазіргі кезде Ақтөбе, Алматы және Қарағанды облыстары аумағында бірқатар жолдар жабық тұр.