«Астана» мен «БАТЭ» матчында есеп ашылды
Айта кетейік, матч Беларус елінде «Борисов-Арена» стадионында өтіп жатыр. Бірінші тайм екі команданың қарқынды шабуылдарымен басталды. Алдымен алаң иелері сапынан Иваничтің ойынның 10-минутында гол соғатын мүмкіндігі болды. Алайда ол допты қақпадан сәл қиыс тепті.
Кездесудің 14-минутында Патрик Твумаси «астаналықтардың» алғашқы қауіпті соққысын жасады. Дегенмен БАТЭ қақпашысы допқа тосқауыл бола білді. Осыдан соң қазақстандық клуб қорғанысқа көп мән беріп, өз ойын алаңында тас-түйін бекініп алды.
Бірақ Миxаил Гордейчук бірінші таймның бел ортасында «Астана» қақпасына гол салып кетті.
«Астана» мен БАТЭ арасында Еуропа лигасының плей-офф сынында "Астана Аренада» өткен алғашқы матч 2:0 есебімен қазақстандық команданың басымдығымен аяқталған болатын. Ол кезде «Астана» шабуылшысы Джуниор Кабананга мен Азат Нұрғалиев гол авторлары атанған еді.